Најмалку 122 лица починаа од топлотниот бран во најголемиот пакистански град Карачи и во други делови во јужната провинција Синд.
Од саботата, само во Карачи животот го загубиле 114 лица, а осуммина во три други области на провинцијата Синд.
Температурата во големиот пристанишен град, во изминатите два дена достигна до 45 Целзиусови степени, што е блиску до рекордните 47 степени, регистрирани во јуни 1979 година.
Ситуацијата е дополнително влошена по прекинот на електричната енергија, што го погоди водоводниот систем на Карачи. Градот има 20 милиони жители.