На акцијата на МВР во Куманово, реагираше и Министерството за надворешни работи на Косово.
– Ги следиме со внимание вестите од Македонија за насилните инциденти на некои локации, според кои има извештаи за жртви. Република Косово остро го осудува нарушувањето на редот и на безбедноста од кои било поединци или групи чија цел е дестабилизација на Македонија. Министерството за надворешни работи на Косово апелира до сите страни да се воздржат од насилство и да најдат решение преку политички дијалог во рамките на институциите на државата и Охридскиот договор што го гарантира интегритетот на Македонија и исполнувањето на правата на заедниците – се вели во реакцијата.
