На полноќ истекува рокот за јавниот увид во избирачкиот список за локалните избори, закажани за 15 октомври годинава. Увидот се врши во подрачните одделенија и канцеларии на Државната изборна комисија (ДИК), како и на веб-страницата на ДИК.
Според Комисијата, до 6 септември увид во избирачкиот список во подрачните одделенија и канцеларии на ДИК во земјава извршиле 20.081 граѓанин, а преку веб-страницата 148.538 граѓани ги провериле своите податоци.
