Прободен тинејџер во гостиварско Чегране


Тетово, 5 ноември, 2018 - 14:14 (META) 

Синоќа околу 21 часот, шеснаесетгодишник од гостиварското село Чегране, во салон за забавни игри, најпрво физички се пресметувал со седумнаесетгодишник од истото село, воедно и негов роднина, а потоа од панталоните извадил нож и му нанел убодна рана во левата нога, информираат од Секторот за внатрешни работи Тетово.

На местото на настанот е извршен увид и е пронајден шестаесетгодишникот. Неговиот нож е одземен за вештачење, а СВР Тетово работи на целосно расчистување на случајот.

 


Две лица повредени со нож во казиното „Адмирал“ во Охрид


Охрид, 28 април, 2016 - 11:51 (META) 

Утрово полицијата го приведе и го лиши од слобода Б.Д. (35) од струшкото село Ливада.

Приведениот е под сомнеж дека ноќеска, како учесник во нарушувањето на јавниот ред и мир во казиното „Адмирал“ на улицата Партизанска во Охрид, тешко повредил две лица.

Тој употребил нож со кој ги повредил Н.М. (34) во пределот на градниот кош и Е.М. (35), кому му нанел два убоди во пределот на слабината и на грбот.

Повредените лица со возило од брза помош биле пренесени во охридската Општа болница, каде се задржани за понатамошно лекување.

Веднаш по нападот, сега приведениот избегал со патничко моторно возило „голф“ со струшки регистарски таблички.

Денеска, по консултации со јавен обвинител, СВР од Охрид против Б.Д. ќе поднесе соодветна кривична пријава.


Три лица повредени со нож вчера попладне во Скопје


Скопје, 29 ноември, 2014 - 12:45 (META) 

На улицата Џон Кенеди во Скопје, вчера, околу 15 часот, непознато лице со нож им нанело повреди на Б.С. (26) и на Х.С. (18), двајцата од Скопје. На повредените им е укажана лекарска помош во Ургентен центар – Скопје и во ГОБ „Св. Наум Охридски“, при што кај Б.С. се констатирани тешки телесни повреди, убодна рана во пределот на стомакот, додека  Х.С., со лесни повреди, бил пуштен на домашно лекување.
Се преземаат мерки за пронаоѓање на сторителот.

Вчера, кај паркиралиштето „Скендер-бег“ во Скопје, околу 18.30 часот, физички бил нападнат Ф.И. (20) од неколку непознати машки лица. Тие со палки му задале неколку удари по телото, а двајца со нож му нанеле неколку убодни рани во пределот на грбот. По здобиените повреди Ф.И. отишол дома со автобус, по што со родителите бил пренесен во ГОБ „Св. Наум Охридски“, каде му се констатирани неколку убодни рани и е задржан на понатамошно лекување.