!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

„Империал тобако“: Поскапувањето на цигарите беше интерна одлука


Скопје, 19 април, 2017 - 13:14 (META) 

„Врз последното поскапување на цигарите влијаеше пристапот на нашата компанија кон пазарот, нејзино позиционирање и градењето на портфолиото. Во овој случај акцизата не беше фактор кој влијаеше на промената на цената“, одговори директорот за корпоративни и за правни работи на „Империал тобако“, Стеван Вранеш, на новинарско прашање во врска со последното поскапување на дел од цигарите за пет денари.

Тој не одговори дали ќе има ново поскапување на цигарите во јуни, кога според календарот на зголемување на акцизите, повторно треба да поскапат за четири денари.

Вранеш додаде дека кога ќе има зголемување на акцизата, тоа не значи дека цигарите нужно ќе поскапат веднаш, туку поскапувањето може да биде одложено и зависи од одлуките на секоја компанијата.

„Формирањето на малопродажната цена на цигарите е комплексен процес врз кој влијаат повеќе фактори. Освен акцизата, влијаат и цената на тутунот, на материјалите, запазувањето на регулаторна рамка која подразбира приближување кон законите на ЕУ“, изјави Вранеш.


Сè помалку се издаваат фискални сметки при купување алкохол и цигари


Скопје, 6 март, 2017 - 10:28 (META) 

Лани најретко се издавале фискални сметки за услуги за одржување на домот (17 проценти), услуги за поправки на домот (21 процент), изнајмување имот (30 процент) и за занаетчиски услуги (36 проценти).

Ова го покажуваат податоците од анкетата за даночната евазија во Република Македонија во 2016 година, направена од Центарот за истражување и креирање на политики (ЦИКП).

Во 2016 година, повеќе од половина од испитаниците (54 проценти) изјавиле дека не им била издадена фискална сметка за разни искористени услуги во последните три месеци, броени од моментот на анкетирање.

– Од друга страна, најчесто и најредовно (85 проценти) се издаваат фискални сметки за професионалните услуги (сметководство, психолог/психијатар, архитектура/дизајн) и за транспортни услуги (75 проценти) – покажуваат податоците на анкетата.

Во неа се додава дека ситуацијата во однос на 2104 година е непроменета во однос на издавање фискални сметки за козметички производи (17 проценти) и 11 проценти за храна и за прехранбени продукти.

– Но, даночната дисциплина бележи двојно влошување во категоријата алкохол и тутун, каде што дури на 20 проценти од испитаниците во 2016 година не им била издадена фискална сметка во последниот месец, споредено со 12 проценти од испитаниците во 2014 година. Алкохолот и тутунот се акцизни стоки за кои следуваат високи даноци, а тоа значи дека потенцијалното зголемување на даночната евазија во оваа сфера носи со себе ризик од помали даночни приходи во државната каса – се вели во анкетата.

Како препорака, во истражувањето се вели дека владата најпрво треба да размисли за менување на балансот помеѓу постојните казнени мерки (со прогресивни стапки на казнување) и второ, на балансот помеѓу казнените мерки и стимулациите.


Откупени 19.000 тони тутун со просечна цена од 185 денари за килограм


Скопје, 28 март, 2016 - 14:31 (META) 

Ланската реколта на тутун се откупи целата до крајниот законски рок, 15 март. Откупени се вкупно 19.000 тони тутун со просечна цена од 185 денари за килограм.

– Иако квалитетна, реколтата потфрли за 25 до 30 отсто. Наместо 25.700 тони колку што откупувачите пријавија во Министерството за земјоделство, се откупија 19.000 тони. На ниските приноси, главно влијаеја три фактори: проблеми со расадо-производството, површините кои требаше да се засадат со тутун не се обработија поради обилните пролетни дождови и големите жештини изминатото лето, не дозволија тутунот да има повеќе листови – информираше Васко Ристовски од Стопанска комора на Македонија.

Наспроти малата количина, ланската реколта е квалитетна и тутунарите постигнаа добра просечна цена. Тутунарите, заедно со субвенциите од државата вкупно добија во просек по 4 евра за килограм тутун.

Во 2015 година, откупот на тутун беше намален за 24 отсто во однос на претходната година, додека просечната откупна цена беше зголемена за 58 отсто споредено со 2014 година, односно 21 отсто во однос на 2013 година.

 


Откупени 8.000 тони тутун по просечна цена од 185 денари за килограм


Прилеп, 4 јануари, 2016 - 15:41 (META) 

Од почетокот на откупот на тутунот, откупени се 8.000 тони тутун со просечна цена од 185 денари по килограм.

За реколтата 2015/2016 година, склучени се 28.454 договри со тутунарите, што е за 17 проценти помала бројка во однос на минатата година, кога бројот на склучени договори изнесувал 34.500.

Откупот треба да заврши на 20 февруари.

 


Просечната цена на тутунот достигна 177 денари


Прилеп, 9 декември, 2015 - 17:17 (META) 

Просечната цена на тутнот изнесува 177 денари за еден килограм и откупот се одвива во најдобар ред.

Ова денеска го истакна заменик-министерот за земјоделство, Ванчо Костадиновски, по денешната посета на откупните пунктови на „Сокотаб“ и на Тутунскиот комбинат во Прилеп.

– Уште еднаш ги повикуваме откупувачите реално да го ценат тутунот зашто инспекоратот со зајакнати тимови будно ќе ја следи ситуацијата на теренот. Битно е навреме да се отворат и сите откупни места и релно да се откупи тутунот, реално да се процени и  тутунопроизводителите побргу да си ги добијат субвенциите за произведените 22.000 до 23.000 тони тутун – изјави Костадиновски.

Според него, изминатите четири години во Прилеп и во Кривогаштани на тутунарите им се исплатени вкупно 1,8 милијарди денари или 30 милиони евра субвенции за производство на тутун.

Од 145, моментно се отворени 67 пунктови во Македонија.

 


Почна откупот на тутунот


Прилеп, 9 декември, 2015 - 12:24 (META) 

Големите компании почнаа со откуп на годинешната реколта на тутун, која изнесува 20.000 тони и е помала од ланската.

Заради квалитетот, тутунарите очекуваат солидна откупна цена.

Од денеска тутунот се откупува во компаниите „Алијанса“ од Кавадарци и „Струмица табак“, а до понеделник сите девет откупувачи ќе го проценуваат родот на вкупно 186 ваги на 152 откупни пункта во земјата.


Бројот на склучени договори со тутунарите намален за 17 проценти


Скопје, 26 октомври, 2015 - 13:03 (META) 

Тутунската индустрија бележи пад во сите сегменти од производство на тутун, склучени договори со тутунарите, засадени површини и цена на тутун.

За реколтата 2015/2016 година, склучени се 28.454 договри со тутунарите, што е за 17 проценти помала бројка во однос на минатата година, кога бројот на склучени договори изнесувал 34.500.

Во 2014 година, засеаната површина со тутун изнесувала 14.030 хектари, што е за 17 проценти помала површина во однос на 2013 година, кога биле засеани 19.806 хектари земја.

Исто така, лани се откупени 24.857 тони тутун, што е за 20 проценти помалку од 2013 година.

И кај просечната цена на откуп има намалување и таа изнесува 117 денари, за разлика од претходната година кога килограм тутун чинел 152 денари.

– Во однос на очекувањата за 2015 година, тешко дека ќе се достигне просекот од 25.000 тони откупен тутун. На ова влијаат неповолните временски услови, помалку засадени површини, послаба процена на квалитетот на тутунот од компаниите. Сепак, за 2015/2016 се очекува добар квалитет на тутунот – изјави Васко Ристевски од Стопанска комора.

Вкупниот извоз на тутун и на тутунски производи изнесува 24.720 тони, што е намалување за 14 проценти во споредба со 2013 година.

Вредноста на извезениот тутун и на тутунските производи е 146.200.000 долари, што претставува намалување за 35 проценти во однос на 2013 година, кога извозот бил 187.000.000 долари.


МВР: Ќе ги испитаме наводите на СДСМ за нелегално производство на тутун


Скопје, 16 август, 2015 - 14:52 (META) 

Министерството за внатрешни работи, по соопштението на СДСМ, се огласи дека ќе ги испита наводите на партијата дека во атарот на село Могила, во Пелагонија и оваа година се одгледува крупнолисен тутун од типот Вирџинија, кој е забранет во Република Македонија.

„Министерството за внатрешни работи ќе ги испита наводите на СДСМ за нелегално производство и продажба на тутун од типот „Вирџинија“ и доколку се утврдат било какви сомненија за сторен криминал како и во сите други случаи, крајно неселективно против осомничените ќе бидат процесуирани соодветни пријави“, соопштија од МВР.


СДСМ: Продолжува нелегалното производство и продажба на забранет тутун


Битола, 16 август, 2015 - 14:18 (META) 

Со нечија заштита и одобрување во атарот на село Могила, во Пелагонија и оваа година се одгледува крупнолисен тутун од типот Вирџинија, кој е забранет во Република Македонија, велат од СДСМ.

„Цената на овој нелегален тутун од килограм се движи и до 10 евра на светските пазари додека цената на легалниот тип орентален тутун којшто го произведуваат нашите тутунари изнесува од 2 до 3 евра за килограм. Приносот од производство на нелегалниот тутун Вирџинијата изнесува 2 тони на хектар. Со тоа од 100 хектари се добиваат 200 000 килограми. Така добивката од овоа незаконско одгледување на тутун изнесува 2 милиони евра. Власта на Никола Груевски во заминување треба да објасни кој дозволува вакво нелегално производтсво на тутун? За коешто патем дополнително се овозможуваат услови за наводнување коишто останатите земјоделци ги немаат. Кој врши нелегален откуп на овој тип на тутун, каде го извезува и во чии чебови завршуваат милионски суми од нелегалното производство? Кој ќе понесе одговорност за овој криминал?“, велат од СДСМ.

Од партијата додаваат дека Македонските тутунари не смеат да бидат ставени во подредена положба во која тие својот тутун ќе го продаваат за три пати пониска цена од неколкумина кои со нечија поддршка незаконски доаѓаат до брза и голема заработувачка. Тоа потценување на оние коишто чесно заработуваат на сметка на криминалот.

СДСМ апелира до Министерството за земјоделство и Инспекторатот да не молчат туку да преземат мерки за итно спречување на овие дејствија.


Царината и „Филип Морис“ заедно во борба против шверцот на тутун


Прилеп, 24 јуни, 2015 - 14:26 (META) 

Царинската управа и „Филип Морис Тутунски комбинат – Прилеп“ со меморандум за соработка се обврзаа на зајакнување и на координација во борбата против нелегалната трговија со тутун.

Меморандумот го потпишаа директорката на Царинската управа, Наташа Радеска-Крстевска, и генералниот директор на „Филип Морис Тутунски комбинат – Прилеп“, Емре Козлу, претставник на „Филип Морис интернешнал менаџмент“.

– Иако нивото на трговија со нелегални цигари во моментов во Македонија можеби не е толку високо како во некои од соседните земји, ние веруваме дека постојаната будност и кооперативен пристап меѓу регулаторите, агенциите за спроведување на законот и индустријата се клучните елементи за постојана и успешна борба против нелегалната трговија со тутунски производи – изјави генералниот директор на „Филип Морис Тутунски комбинат – Прилеп“, Емре Козлу.