Тутун

Откупот на тутунот се одвива непречено на сите откупни пунктови во земјава, информираат од Министерство за земјоделство, шумарство и водостопнство.

Досега според податоците од Државниот инспекторат за земјоделство се откупени над 19 милиони килограми тутун по просечна цена од 222,5 денари за килограм, што е досега највисока просечна цена.

„Вредноста на откупениот тутун е над 4,2 милијарди денари и 94,4 отсто од досегашниот откупен тутун е исплатен од страна на откупните компании. Од реколтата 2019 вкупно се засадени 13.342 хектари тутун и склучени 32.798 договори со девет компании. Издадени се 20.933 евидентни листови. Вкупното производство на тутун од реколтата 2019 изнесува над 26.700 тони тутун, што е за шест отсто повеќе од реколтата 2018“, се вели во соопштението.

Од оваа 2020 година според новиот Закон за тутун, производи од тутун и сродни производи, ќе се укинат евидентните листови, со што драстично ќе се олеснат административните процедури за тутуноптоизводителите.