Мотоциклист од Охрид загинал кога удрил во паркиран автобус


Охрид, 6 август, 2018 - 12:51 (META) 

Во сообраќајна несреќа кај охридското село Косел, вчера животот го загубил 32-годишниот охриѓанец Љ.Ј., соопшти СВР Охрид.

Несреќата се случила околу 17.15 часот на магистралниот пат Охрид – Ресен, кај Косел. Сега загинатиот охриѓанец управувајќи мотоцикл „јамаха“ удрил во задниот дел на паркиран автобус „мерцедес“ со кочански таблички и го загубил животот.

Полицијата извршила увид заедно со Јавен обвинител, а телото на починатиот со наредба од обвинителот е предадено за обдукција.


Земјотрес претпладнево го стресе Охрид


Охрид, 20 септември, 2017 - 11:25 (META) 

Земјотрес со јачина од 2,7 степени според Рихтеровата скала се случил претпладнево во 8.50 часот во Охрид.

Според податоците од Европско-медитеранскиот сеизмолошки центар, епицентарот на земјотресот бил на 9 километри источно од Охрид, 7 километри југоисточно од Косел, а се случил на длабочина од 2 километри.


Два земјотреси синоќа и утрово во Охридско


Охрид, 20 јули, 2017 - 11:42 (META) 

Земјотрес со магнитуда од 2,2 степени се случил во 5.53 часот на 9 километри североисточно од Охрид и 4 километри источно од селото Косел. Земјотресот бил на длабочина од 11 километри, вели Евро-медитеранскиот сеизмолошки центар.

Речиси на истото место, земјотрес се случи и вчера во 21.48 часот, а тој имал сила од 2,7 степени по Рихтеровата скала. Локацијата била речиси иста како на утринскиот, односно на 9 километри североисточно од Охрид и 5 километри источно од селото Косел, но длабочината била 2 километри.


Во Охридско и ноќеска земјотреси


Охрид, 15 јули, 2017 - 10:05 (META) 

Ноќеска на само единаесет минути пред полноќ во Охридско-ресенскиот Регион, според Евро-медитеранскиот сеизмолошки центар, се случил земјотрес со магнитуда од 3 степени по Рихтер, кој бил на длабочина од 2 километри.

Потоа во 49 минути по полноќ се случил уште еден земјотрес, со магнитуда од 2,3 степени и на длабочина од 2 километри.

Вчеравечер во 18.58 и 18.59 часот во истиот реон беа регистрирани два посилни земјотреса од 3,2 степени.


Слаби земјотреси во Охридско и утрово


Охрид, 6 јули, 2017 - 10:56 (META) 

Земјотрес со сила од 2, 6 степени според европската макросеизмичка скала утрово во 8.31 часот е регистриран на 7 километри североисточно од Охрид, а бил на длабочина од еден километар, покажува извештајот на Евро-медитеранскиот сеизмолошки центар.

Претходно во текот на ноќта, во 4.20 часот, се случил речиси ист таков потрес, со сила од 2,5 степени. Длабочината била исто така еден километар, а се случил 2 километри на североисток од земјотресот утрово, односно на 9 километри од Охрид.

Од 18 јуни во Охридско-струшкиот Регион се регистрирани повеќе од илјада земјотреси со различна сила.