Втората хуманитарна велосипедска тура за деца згрижени во Детското село, ќе почне денеска во СОС Детско село.
Љупчо и неговиот другар Даниел од Бугарија ќе поминат 2.200 километри низ седум балкански земји и ќе возат сè до Австрија. Целта им е да ги привлечат вниманието и поддршката на јавноста за работата на СОС детските села, организација под чија закрила обајцата израснаа.
Нивната конечна дестинација е Имст, Австрија, каде пред повеќе од 60 години е изградено првото СОС Детско село, кое до денес на илјадници деца од сиот свет им дава топол дом и грижа.
Настанот е поддржан од Агенцијата за млади и спорт, Велосипедската федерација на Македонија, Град Скопје, Општина Гази Баба и од низа донатори и поддржувачи на работата на СОС Детско село Македонија.
