Зголемувањето на платите во МВР ќе чини четири милиони евра

-

Повеќе од 10.000 вработени во Министерството за внатрешни работи (МВР) ќе бидат опфатени со мерката за усогласување на платите на полициските службеници и на овластените службени лица со тие на службениците во Царинската управа, информира денеска министерката за внатрешни работи, Гордана Јанкулоска, за мерката што во неделата, на народниот собир во Штип, ја најави премиерот Никола Груевски.

– Во соработка со Македонскиот полициски синдикат, подолго време работевме на стратегијата за усогласување на основната плата во МВР со основната плата со слични служби од јавната администрација и притоа постигнавме договор усогласувањето да се прави со платите во Царинската управа. За оваа намена, за да може да се финансира ваквото зголемување на платите, Владата обезбедува дополнителни речиси 250 милиони денари. Тие се потребни за исплата на платите до крајот на годината – рече Јанкулоска.

Според министерката, на вработените опфатени со мерката, априлската плата, која ќе ја добијат на почетокот на мај, ќе биде за 5 отсто повисока од претходната. Процесот ќе продолжи до крајот на 2017 година кога, како што рече Јанкулоска, ќе се постигне усогласувањето на платите на службениците во МВР со тие на вработените во Царината.

На новининарско прашање дали парите предвидени за зголемувањето на платите се предвидени во буџетот, Јанкулоска не даде конкретен одговор.

– Овие средства се обезбедни од Владата на Република Македонија – одговори кусо министерката.

Претседателот на Македонскиот полициски синдикат, Тихомир Климовски, изрази задоволство од донесената мерка и, како што рече, исправањето на една затекната историска неправда.

– Заокружуваме можеби еден од најважните процеси од интерес на вработенте во МВР. Процесот на усогласување на платите на вработените со платите на вработените во останатите сектори, Македонскиот полициски синдикат го почна пред неколку години, презентирајќи пред надлежниот работодавец, МВР и Владата, дека постои неправеден расчекор меѓу платите. Дијалогот, кооперативниот и конструктивен однос со работодавните структури, придонесе да се воочи оваа затекната историска неправда и да е почне со процес на усогласување на нашите плати – рече Климовски.

Како што соопшти министерката Јанкулоска, во одговор на новинарско прашање, „најниската плата на вработен со средно образование во моментов изнесува 15.356 денари, основна плата без додатоци“.

– За полициски овластувања додатоците се 30 отсто, за овластени службени лица се 20 отсто, потоа во делот на плата влегуваат и евентуалните прекувремени ангажмани, работа на празник, работа во неработен ден. Со зголемувањето на основната плата, се зголемува базата врз која се пресметуваат додатоците – објасни министерката.

Таа истакна дека во подготовка е и новиот колективен договор на полициските службеници со МВР.

Промовирана нова генерација дипломци и магистри на ФИНКИ, Јаневска им порача да работат во Македонија

Денес беше промовирана новата генерација дипломци и постдипломци на Факултетот за информатички науки и компјутерско инженерство (ФИНКИ) во состав на Универзитетот „Св. Кирил и Методиј“ во Скопје (УКИМ). На церемонијата, министерката за...

Пукање во Сплит, убиен разбојник кој се обидел да ограби банка

Обид за грабеж во банка се случил денес околу 12 часот на улицата „Гундулиќева“ во хрватскиот град Сплит, јави Слободна Далмација, а пренесоа повеќе регионални медиуми. Според првичните информации, две полицајки минувале...

Водите на Крива Река полни со олово и цијанид, градоначалникот Митовски бара кривична одговорност

Водата во Крива Река има десет пати поголема концентрација на олово и стотици пати повеќе цијанид, азот и фосфор, информираше денеска градоначалникот на Крива Паланка, Сашко Митовски. Тој најави дека ќе...

Српските студенти на медицина бараат одговорност и оставки поради посетата на Вучиќ на пациенти од Кочани

Студентите на Медицинскиот факултет во белград, побараа да се покрене постапка против одговорните во Ургентниот центар, откако на 17 март без заштитна опрема, во едницата за интензивна нега биле примени претседателот...

Промовирана нова генерација дипломци и магистри на ФИНКИ, Јаневска им порача да работат во Македонија

Денес беше промовирана новата генерација дипломци и постдипломци на Факултетот за информатички науки и компјутерско инженерство (ФИНКИ) во состав на Универзитетот „Св. Кирил и Методиј“ во Скопје (УКИМ). На церемонијата,...