Oд денеска, 19 јуни заклучно со 31 јули, физички лица од домаќинствата (тужени и редовни) кои имаат заостанат долг за собирање и транспортирање комунален отпад преку заедничката сметка со ЈП Водовод и канализација-Скопје, ќе имаат можност истиот да го платат без пресметана камата за задоцнето плаќање. Наплатата на овие заостанати долгови ќе се одвива преку наплатните пунктови на ЈП Водовод и канализација-Скопје (освен тужбата којашто датира од 2007 година), извести ЈП Комунална хигиена-Скопје.
„Можноста за плаќање на заостанатиот долг без пресметана камата во наведениот период се однесува и на корисниците-физички лица од домаќинствата (тужени и редовни) кај коишто услугата за собирање и транспортирање комунален отпад се наплатува само преку сметката на ЈП Комунална хигиена-Скопје (рурални средини и корисници од о.Шуто Оризари)“, известуваат од јавното претпријатие и додаваат дека наплатата на овие заостанати долгови ќе се одвива во наплатниот пункт на улицата Боро Тодоровиќ бр.2.
