Годинашното, 14-то издание, на ЕХО фестивалот за планински филм на публиката во Скопје ќе ѝ понуди вкупно 55 филма. Фестивалот ќе се одржи од 23 до 27 октомври, со проекции во три кино сали: Фросина и Џепно (МКЦ) и Кинотека на РМ, а за време на фестивалските денови ќе бидат проектирани архивски филмови од документаристот Трајче Попов, во соработка со Кинотека на РМ.
Влезот на сите фестивалски настани е бесплатен.
Отворањето на фестивалот е на 23 октомври 2023, понеделник, во киното „Фросина“ во МКЦ, во 19 часот.
Публиката ќе може да ги гледа следните филмови:
19:00 „Во замрзнувач: Диретисимата Вокер“, Јаник Боисено, Франција, 27 минути, 2023
19:30 „До планините и назад “, Мајк Квигли, Канада, 47 минути, 2022
20:45 „Подземје “, Франсоа-Хавиер „Фикс“ Де Рујд, Канада, 87 минути, 2023
Покрај проекциите, предвидени се и четири презентации, мастер клас од полски режисер, еколошка панел дискусија, филмски фокус на македонски автор документаристот Трајче Попов (проектиран ода филмска лента во Кинотека). Ќе има и конкурс за најдобра планинска фотографија, собрание на Меѓународна Алијанса за планински филм, изложба на фотографии, четири детски работилници…
Програмата може да се види на следниот линк и на профилите на ЕХО фестивалот за планински филм на Фејсбук и на Инстаграм.
