fbpx

Уапсен скопјанец под сомнеж дека учествувал во купувањето на возилото за двојното убиство во „Шиша бар“

Јавниот обвинител до Основниот кривичен суд Скопје попладнево доставил предлог за определување мерка притвор за осомничениот Г.М. (31) од Скопје

-

Полициски службеници од СВР Скопје заедно со специјалната единица „Тигар“ и Секторот за меѓународна полициска соработка – Отсек потраги извршиле претрес на дом и го привеле Г.М. (31) од Скопје, кој бил баран со потерница од надлежното обвинителство во врска со убиството во кафе бар „Шиша бар“ во Скопје што се случи на 6 март годинава.

Тој е задржан во полициска станица и против него до ОЈО Скопје е поднесена кривична пријава по брза постапка за извршенo кривичнo делo „помагање” по чл. 24 од КЗ во врска со кривично дело „убиство“, информираат од МВР.

Од Основното јавно обвинителство Скопје, од каде е донесена Наредба за спроведување истражна постапка, образложуваат дека осомничениот 31-годишен скопјанец, на 18 февруари во Косово, со умисла помогнал во извршување на кривично дело, односно учествувал во купопродажба на автомобил кој подоцна на 6 март бил искористен за извршување на кривичното дело убиство во кафе бар на улица „Самоилова“ во Скопје.

Јавниот обвинител до Основниот кривичен суд Скопје попладнево доставил предлог за определување мерка притвор за осомничениот, бидејќи постојат околности кои укажуваат на опасност од бегство, постои основан страв дека тој ќе ги сокрие или уништи трагите на кривичното дело или ќе ја попречува кривичната постапка со влијание врз сведоци.

Две лица беа убиени на 6 март околу 20 часот, во угостителскиот објект „Шиша бар“ во Старата скопска чаршија, откако неколку маскирани лица, според МВР, влегле во објектот и пукале кон Ј.К. и Е.И., кои починале на лице место, и кон А.Т., кој е пренесен во болница.

Пукањето во угостителскиот објект се случил пред голем број очевидци. Во текот на ноќта за време на истражната постапка, беше обезбедена една локација на патот кон Горно Оризари, каде што беше пронајдено опожарено возило „ауди“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Владата одлучи професионалните возачи побрзо да добијат пасоши

Министерот за транспорт и врски денеска по владината седница се пофали дека владата донесе одлука за воспоставување на брза лента за издавање на патни документи за сите професионални возачи. Како...