Парадата на гордоста „Skopje Pride“ годинава ќе се одржи на 25-ти јуни, соопштија организаторите на социјалните мрежи. Годинешниот слоган на „Skopje Pride“ гласи „Излези за љубов“.
Најавата на Парадата е објавена на 17-ти мај, Меѓународниот ден на борба против хомофобија, бифобија, интерфобија и трансфобија.
Парадата на гордоста во главниот град годинава се одржува по трет пат. Првиот „Skopje Pride“ се одржа во 2019 година, а по една година пауза поради ковид пандемијата, втората парада се случи минатото лето. Тогаш илјадници поддржувачи се собраа во главниот град на протест против опресивните политики, хомофобијата и трансфобијата, но и да ги прослават надежите за посолидарно и поправедно општество.
Настанот е во организација на Националната мрежа против хомофобија и трансфобија.
