fbpx

Vitin e ardhshëm rehabilitim i autostradës në segmentin Hipodrom, Milladinovc dhe Petrovec

-

Ndërmarrja publike për rrugë shtetërore vitin e ardhshëm planifikon t’i rindërtojë segmentet e autostradave Hipodrom – Milladinovci, Milladinovci – Petrovec dhe Petrovec – Hipodrom. Hyrjet e autostradës, në Shkup, nga lindja janë me gjatësi të përgjithshme prej 28 kilometra, ndërsa për rehabilitimin e tyre janë siguruar mjete me hua nga Banka Evropiane për rinovim dhe zhvillim (BERZH), transmeton META.mk.

“Presim në shtator/tetor të shpallet tenderi për ndërtim e gjatë vitit 2020 kompletim të të gjitha punëve ndërtimore”, thanë për “Meta.mk” nga NP për rrugë shtetërore.

Byroja për projektime “Prostor” nga Kumanova për momentin është duke punuar në dokumentacionin e tenderit për rindërtimin e planifikuar të tre akseve, për çka janë ndarë mjete në lartësi prej mbi 9,2 milionë denarë.

Karregjata në tre akset e autostradave në hyrje të Shkupit është në gjendje të keqe. Krahas asfaltit të valëzuar, në pjesë të karregjatës ka vrima, që e vështirëson zhvillimin e komunikacionit. Njëkohësisht, këto tre segmente të akseve në Korridoret 8 dhe 10 kanë frekuencë të lartë të automjeteve, me ç’rast aksi Petrovec – Hipodrom në vitin 2017 ka qenë aksi më i frekuentuar rrugor në vend me qarkullim ditor mesatar vjetor prej 16.099 automjete.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.