Një burrë moshës rreth 50 vjet u mbyt gjatë një rënie me makinë në lumin e Drinit të Zi në Strugë.
Aksidenti ndodhi dje pasdite rreth orës 18 e 30 minuta. Sipas dëshmisë së banorëve për arsye të panjohura tani i ndjeri Nexho Memeshoski, i cili jetonte në vendbanimin e romëve në hyrje të Strugës, duke u kthyer mbrapsht me makinën e vet përfundoi në lum.
Jo shumë larg nga aksidenti është edhe selia e zjarrfikësve, zjarrfikësit dhe policia menjëherë arriti në vend ngjarje, por për fat të keq Memeshoski tashmë ishte mbytur.
Makina është nxjerrë nga lumi dhe hetimi i policisë do të tregojë se si ka ndodhur aksidenti.
