Punonjësit e Ministrisë së punës dhe politikës sociale pohojnë se Dime Spasov nuk vjen në vendin e tij të punës ndërsa nuk e kanë vërejtur as makinën e tij nga dita kur u shkaktua aksidenti në trafik (28 tetor 2016)
Por, Marjan Ginevski, zëdhënësi i Spasovit, pohon se kjo nuk është e vërtetë. Në pyetjen e “Meta” nëse zv- ministri vjen në punë, ai përmes porosisë SMS tha: “Po”.
MPB më 29 tetor të këtij viti njoftoi se Dime Spasov ka shkaktuar dy aksidente trafiku me makinën “Tuareg” dhe është arratisur ndërsa në polici është paraqitur personi tjetër me iniciale M.T, por policia ka ardhur në konkluzion se ai nuk ia njohur rrethanat dhe ka sjellë vendim se ai nuk ka vozitur me makinën.
Pas disa ditëve (3 nëntor) Spasov në intervistë për televizionin “Nova” pohonte se është nisur nga stadiumi i qytetit “Filipi i Dytë” drejt rrugës “Ilindenska”, më pas ka kthyer në të majtë kah Kopshti Zoologjik duke pritur të ndizet drita jeshile. Përderisa ka pritur, sipas sqarimit të tij, një person i panjohur është afruar tek makina e tij dhe ka tentuar ta hap derën e makinës zyrtare, duke e kërcënuar zv- ministrin me jetën e tij. Më pas, ai ka tentuar të ik, pas çka ka shkaktuar disa aksidente trafiku.
Ditën e njëjtë, MPB ngriti edhe kallëzim kundërvajtës ndaj Spasovit.
