“LSDM-ja nuk brengoset për qytetarët, kështu që tani e shfrytëzon edhe artin për të plasuar gënjeshtra dhe të pavërteta, duke shfrytëzuar çdo situatë që të arrijnë deri tek votat e qytetarëve. Z. Boçvarski sot doli me sërë gënjeshtrash dhe të pavërteta” reagojnë nga Ministria e transportit dhe lidhjeve ndaj konferencës së LSDM-së për shtyp.
“Gënjeshtra e parë është që LSDM publikoi se qarkorja në Shkup është mbyllur tërësisht për 37 ditë të plota. Sipas regjimit të përkohshëm, qarkorja është mbyllur 16 ditë pune në periudhë prej orës 7 deri 19, që do të thotë se prej orës 19 e deri orën 7 të mëngjesit kjo rrugë mund të shfrytëzohet. Gënjeshtra e dytë e LSDM është edhe shifra që produksioni do t’ia paguaj shtetit për shfrytëzimin e rrugës në lartësi prej 78. 000 euro. Nuk është e saktë se bëhet fjalë për 78.000 euro, bëhet fjalë për dy marrëveshje prej rreth 17,5 milion denarë prej të cilave 12,7 milion për marrëveshje që me NP për rrugë shtetërore e kanë arritur si kompensim për mbylljen e pikave të pagesës për ditët që do të mbyllet rruga dhe 4,8 milion denarë marrëveshje me NP “Makedonija Pat” për riparimin e rrugës rajonale Veles- Gradsko” thuhet në reagimin e Ministrisë së transportit dhe lidhjeve.
