Më shumë se 350 paraqitje për dëme në vlerë prej 300.000 euro deri më tani janë dorëzuar nëpër kompanitë e sigurimit.
Siç njoftojnë nga kompanitë, 320 paraqitjet kanë të bëjnë me pronë të shkatërruar ndërsa 30 lidhur me makinat dhe automjetet në përgjithësi. Sipas disa paraqitjeve, shumica janë dorëzuar nga qytetarët ndërsa 70 nga kompanitë.
Rreth 420 kompani nga Hasanbegu janë ankuar se u janë shkatërruar mallrat nga importi në vlerë deri 15 milion euro, por tani për tani nuk kanë dërguar paraqitje deri tek kompanitë e sigurimit për dëm.
Kompanitë e sigurimit presin numri i paraqitjeve të rritet në periudhën në vijim.
