LSDM propozoi ndërsa VMRO DPMNE nuk ka asgjë kundër që të marrin pjesë mediumet në bisedimet e grupeve të punës, ku flitet për problemet e mediumeve. Robert Popovski, kryetari i grupit të punës së LSDM-së për mediumet, sot në konferencë shtypi para Klubit të deputetëve tha se propozimi mediumet dhe OJQ-të të marrin pjesë në procesin negociues do ta vendos në shqyrtim para përfaqësuesve të partive politike.
Negociatori i VMRO DPMNE-së Ilija Dimovski thotë se do të veprojnë ashtu siç do të merren vesh partitë politike në Klubin e deputetëve, por dyshon në sinqeritetin e qëllimeve të LSDM-së.
“Ky propozim do të jetë dëshmi për atë se kush është për demokraci e kush jo. Ne rregullisht kishim konsultime me shoqatat e gazetarëve, të cilat i njoftuam për tërë atë që është diskutuar në Klubin e deputetëve” deklaroi Popovski.
Ai the se LSDM edhe më tej qëndron pas propozimeve të tyre për departizim të plotë të trupave që i rregullojnë mediumet, siç janë Agjencia e mediumeve dhe RTVM. Në pyetjen se prej ku i marrin idetë për këto propozime, Poposki tha se propozimet e tyre janë ofruar në bazë të raporteve të Pribes, OSBE-së dhe BE-së.
Dimovski tha se VMRO DPMNE është kategorikisht kundër këtyre propozimeve dhe se nuk do të pranoj censurë në mediumet pa marrë parasysh nga cila parti vjen propozimi.
