Për shkak të situatës në Kumanovë, qeveritarët serb kanë vendosur që në kufirin me Maqedoninë të nisin forca të shtuara policore, kurse kryeministri Aleksandar Vuçiç për nesër pasdite ka thirrur seancë të jashtëzakonshme për koordinimin e shërbimeve të sigurisë, lajmërojnë mediat serbe.
Jo zyrtartarisht është konfirmuar edhe lajmi për përforcimin me 450 polic të njësisë speciale të kufirit serbo-maqedonas.
Nga kabineti nuk mund të japin informacione zyrtare për shkak se bëhet fjalë për të dhëna operative.
Përveç kësaj siç informon Radio Televizioni i Serbisë (RTS) autoritet në rajonin kufitar me Maqedoninë kanë dërguar forca policore shtesë, me çka ministri Stefanoviqi ka informuar ministren e punëve të brendshme Gordana Jankulloska.
Këtë zyrtarisht e konfirmoi MPB-ja serbe, por sipas informacioneve jozyrtare që transmetojnë mediat serbe bëhet fjalë për 450 pjesëtarë të xhandarmërisë të cilat kanë qenë të vendosura në rajonin kufitar ndërmjet dy shteteve.
