Shirat e rrëmbyeshëm ndërprenë mbjelljet e vjeshtës në disa pjesë të caktuara të Pellagonisë. Nga njësia lokale e Ministrisë së bujqësisë të Manastirit thonë se kanali i nëntë ka dal dhe të mbjellat kanë pësuar dëme.
– Nën ujë janë 40 deri 50 hektarë tokë pjellore, kështu që nuk mund të vazhdohet me mbjelljet e vjeshtës. Deri më tani është mbjellë gjysma e 250.000 hektarëve misër dhe kultura vjeshtore. Lagështia e tokës ngec korrjen e kokrrës së misrit, e cila deri më tani është realizuar në 10 për qind të sipërfaqeve. Kjo ishte e pritshme, duke pasur parasysh se gjatë këtij muaji ranë 70 litra shi në metër katror në rajonin e Pellagonisë- thotë Ilija Srbinovski, udhëheqës i njësisë së Ministrisë së bujqësisë në Manastir .
Nga Drejtoria e Mbrojtjes dhe Shpëtimit në Manastir tashmë janë në terren dhe intervenojnë në vendet kritike , kurse sipas tyre tani për tani nuk ka rrezik nga dalja e shtratit të Lumit të Zi (Crna Reka)
Në qytet mbrëmë kishte shira 35 litra në metër katror, kurse nga lumi Dragor është përplot me ujë sikurse në pranverë kur shkrihet bora. Nga Ndërmarrja Publike “Niskogradba” thonë se gjatë gjithë ditës pastrojnë pastetat e qytetit, të cilat janë të zëna me gjethe, që të mundet uji të rrjedh dhe të lehtësohet qarkullimi i këmbësoreve dhe shoferëve në trafikun rrugorë.