Американскиот претседател во заминување, Барак Обама, последната прес-конференција како лидер на САД ќе ја одржи на 18 јануари.
Портпаролот на Обама, Џош Ернест, соопшти дека конференцијата ќе биде одржана во собата за брифинзи во Белата куќа.
В петок, на 20 јануари, улогата претседател на САД ќе ја преземе новоизбраниот претседател, Донлад Трамп.
Бизнисменот и републикански кандидат на изборите одржани на 8 ноември ја победи демократската кандидатка Хилари Клинтон и стана 45. американски претседател.
