fbpx

Почина поранешниот директор на Агенцијата за филм, Горјан Тозија

-

На 68-годишна возраст утрово почина Горјан Тозија, поранешен директор на Агенцијата за филм. Тој беше координатор на Координативното тело за поддршка и одржлив развој на Преспанскиот регион, претседател на Друштвото на филмски работници на Македонија, како и директор на Вардар филм.

Горјан Тозија беше директор на Агенцијата за филм од 2017 до 2020 година, додека во периодот на неговото раководење на Вардар филм од 1993 година беа снимени неколку познати македонски филмови: „Пред дождот“, „Џипси меџик“, „Преку езерото“.

Низ својата богата кариера како филмски продуцент учествувал во создавањето на бројни филмски проекти, од кои два холивудски – „Миротворец“ и „Добредојде во Сараево“ се снимија во Македонија.

Тозија беше и поранешен државен секретар во Министерството за култура и советник во Кабинетот на претседателот Бранко Црвенковски. Во периодите на значајни општествени промени во земјава, беше активен и како учесник во Шарената револуција во Скопје.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

В понеделник ќе биде врачена наградата „Роман на годината“

Во понеделник, на 20 мај, во Драмскиот театар во Скопје, со почеток во 19 часот и 30 минути ќе се одржи свечено врачување на наградата „Роман на годината“ за...