Под слоганот Иднината нè поврзува, делегацијата на Европската Унија ќе го слави Денот на Европа 2023 година во текот на месец мај, преку програма која вклучува серија активности и свечености организирани во соработка со мрежата на Europe House.
Програмата за Денот на Европа почна на 6 мај 2023 година со отворањето на новото локално издание на Europe House Битола, сместено во Офицерскиот дом во Битола.
Утре, евроамбасадорот Дејвид Гир, шеф на Делегацијата на Европската Унија ќе ја претстави серијата активности на националниот радиодифузер МРТВ. Првата епизода од новата емисија ТВ Такси 28, финансирана од ЕУ, е посветена на Денот на Европа и ќе биде премиерно прикажана на 9 мај 2023 година.
Europe House Струмица и Europe House Крива Паланка ќе ги градат своите активности за Денот на Европа околу младите луѓе и вештините, во контекст на 2023 година како европска година на вештините. Водечкиот настан на Europe House Струмица ќе се одржи на 11 мај на градскиот плоштад преку раскажување приказни и презентација на занаети и вештини (време за учење), проследено со посета на занаетчиска продавница (време за вежбање) и завршување со изложба на фотографии (Време за делување).
Следниот ден, на 12 мај, Europe House Крива Паланка ќе ја отвори својата водечка изложба на отворено „Новите лица на вештините: Младински перспективи“, која ќе презентира инспиративни сведоштва за вештините и на тој начин ќе пренесе порака за важноста на негувањето на правото на вештини на пазарот на трудот при справување со невработеноста кај младите.
На 13 мај во паркот Гази Баба ќе се одржи пикник, со забава и музика, кој ќе започне напладне и ќе трае до доцните попладневни часови.
На 14 мај, Европскиот институт за оркестарски изведби FAME ‘s, кој е финансиран од програмата Креативна Европа, ќе одржи вечерен концерт во Офицерскиот дом во Битола.
Втората половина на мај 2023 година е посветена на активности за младински ангажман преку мобилизирање на потенцијалните општински младински совети како платформи за младински активизам и учество во донесувањето одлуки.
