fbpx

Грчкиот дипломат Рокас доаѓа на местото на Дејвид Гир како амбасадор на ЕУ за С. Македонија

Михалис Рокас е номиниран од Борел за амбасадор на ЕУ во Северна Македонија, на местото на Дејвид Гир. Во моментов тој ја извршува функцијата амбасадор на ЕУ во Малезија

-

Жосеп Борел, високиот претставник на Европската Унија, номинираше 44 нови шефови на делегации на ЕУ, вклучително и нови амбасадори на ЕУ во Босна и Херцеговина, Црна Гора и Северна Македонија, како и шеф на канцеларијата на ЕУ во Косово. Амбасадорите ќе ги преземат своите канцеларии подоцна оваа година.

Михалис Рокас е номиниран од Борел за амбасадор на ЕУ во Северна Македонија, на местото на Дејвид Гир. Во моментов тој ја извршува функцијата амбасадор на ЕУ во Малезија.

Мирослав Лајчак е предложен за нов амбасадор на ЕУ во Швајцарија, откако оваа година му истекува мандатот како специјален претставник за дијалогот Белград-Приштина. Борут Пахор, поранешен претседател на Словенија, официјално доби поддршка од неговата национална влада да го наследи Лајчак како специјален претставник.

Номинациите за претстојната дипломатска ротација во делегациите на ЕУ ширум светот денеска ги објави Службата за надворешни работи на Европа. Повеќето од новите амбасадори во Западен Балкан веќе имаат искуство со регионот.

Луиџи Сорека е номиниран за амбасадор на ЕУ во Босна и Херцеговина, а претходно ја извршуваше функцијата амбасадор на ЕУ во Албанија. Во меѓувреме, актуелниот амбасадор на ЕУ во Босна и Херцеговина Јохан Сатлер ќе стане нов амбасадор на ЕУ во Црна Гора, преземајќи ја функцијата од Оана Кристина Попа.

Аиво Орав е номиниран за шеф на канцеларијата на ЕУ за Косово, преземајќи ја функцијата од Томаш Шунјог. Тој беше поранешен амбасадор на ЕУ во Црна Гора и Северна Македонија.

Рокас е роден во септември 1964 година во Атина, Грција, со 26-годишно искуство во областа на надворешните работи, приклучувајќи се на Генералниот директорат за надворешни односи на Европската комисија во 1994 година.

Тој бил шеф на делегацијата на ЕУ во Нов Зеланд, прв секретар на Канцеларијата на Европската комисија во Хонг Конг и Макао, како и шеф на Одделот за поддршка на делегации во Европската служба за надворешни работи (ЕЕАС) на Кина, Хонг Конг, Макао и Одделот за Тајван и Монголија.

Рокас има диплома по економија и постдипломски студии по европска економија.

Мајчин јазик му е грчкиот, а зборува англиски, француски и германски јазик.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Хеликоптер во кој патувал иранскиот претседател претрпи „тешко слетување“

Хеликоптер со иранскиот претседател Ебрахим Раиши претрпел „тешко слетување“, пишува Би-би-си. Министерот за внатрешни работи кажува дека спасувачите сé уште се обидуваат да стигнат до местото на несреќата поради тешките...