fbpx

Пендаровски на Меѓународниот ден на Ромите: Подеднакво да се почитуваат правата на сите граѓани

Претседателот истакнува дека со новата Стратегија за инклузија на Ромите 2022 – 2030 година, изготвен е план за насочување на политиките на државата со цел заеднички да се надминат децениските проблеми

-

Ромската заедница е нераскинлив дел од мултикултурниот мозаик на нашето општество и потребно е заеднички да продолжиме да ги следиме европските вредности за еднаквост и за почитување на фундаменталните права на сите граѓани подеднакво, се вели во честитката на претседателот Стево Пендаровски по повод Меѓународниот ден на Ромите ‒ 8 Април.

Тој вели дека со новата Стратегија за инклузија на Ромите 2022 – 2030 година, изготвен е план за насочување на политиките на државата, со цел заеднички да се надминат децениските проблеми.

„Учеството на ромската заедница во сите општествени, културни и политички текови е нужно за градење праведно, демократско и мултиетничко општество. Сите ние, а особено носителите на функции, имаме генерациска одговорност да го подобриме квалитетот на животот на сите граѓани подеднакво. Нека ни е честит 8 април – Меѓународниот ден на Ромите!“, пишува во честитката.

Честитка за Меѓународниот ден на Ромите упати и министерот за внатрешни работи Оливер Спасовски.

„Најголемото богатство на една земја се нејзините луѓе, а Република Северна Македонија во тој поглед има исклучително голема предност, имајќи ја предвид нејзината мултиетничност и мултиконфесионалност, коишто како единство на различности, уште повеќе го афирмираат и унапредуваат нејзиниот граѓански карактер. Во тој колорит Ромската заедница, нашите сограѓани Роми, се суштествен дел кој го прави нашиот граѓански мозаик целосен“, напиша Спасовски на Фејсбук.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Not a living soul“ – лингвистичка и политичка манипулација од руската кујна

Објава на Фејсбук шири невистина дека во англискиот јазик нема еквивалент за рускиот израз „ни души“, односно за нашиот „ни жива душа“, па Англичаните и Американците за тоа го...