fbpx

Пеколот на земјата се врати во Газа, борбите продолжуваат

До вчера вечерта, здравствените власти во крајбрежниот појас соопштија дека во израелските напади загинале 184 луѓе, ранети се најмалку 589 други и погодени се повеќе од 20 куќи

-

Борбите во Газа продолжуваат, откако пропаднаа разговорите за продолжување на еднонеделното примирје со Хамас и посредниците рекоа дека израелските бомбардирања ги комплицираат обидите за повторно прекинување на воените дејствија, пишува Ројтерс.

Најинтензивни бомбардирања има во источните области на Кан Јунис во јужна Газа каде чад постојано се издига кон небото, соопштуваат новинарите на Ројтерс од терен.

Жителите бегааат, со лични предмети ставени во колички, барајќи засолниште на запад.

Израел соопшти дека неговите копнени, воздушни и поморски сили нападнале повеќе од 200 „терористички цели“ во Газа.

До вчера вечерта, здравствените власти во крајбрежниот појас соопштија дека во израелските напади загинале 184 луѓе, ранети се најмалку 589 други и погодени се повеќе од 20 куќи.

Утринава се огласија ракетни сирени во израелските заедници надвор од Газа, но нема информации за сериозни штети или жртви.

Завојуваните страни меѓусебно се обвинуваа за пропаѓањето на примирјето, за време во кое милитантите на Хамас ослободија размена на заложници за Палестинците кои беа држени во израелските затвори.

Обединетите нации соопштија дека борбите ќе ја влошат екстремната хуманитарна вонредна состојба.

„Пеколот на земјата се врати во Газа“, рече Јенс Лаерке, портпарол на хуманитарната канцеларија на ОН во Женева.

Привремениот прекин на огнот што започна на 24 ноември беше продолжен двапати, а Израел рече дека може да продолжи сè додека Хамас ослободува 10 заложници дневно. Но, по седум дена во кои жените, децата и странските заложници беа ослободени, посредниците не успеаја да најдат формула за ослободување повеќе.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Скопскиoт аквадукт – заборавено наследство затрупано со отпад

Душеци од кревети, теписи, автомобилски гуми, завеси, градежен шут, искршени плочки, пластични пишиња. На ваква слика ќе наидете ако појдете да го посетите Скопскиот аквадукт близу Визбегово, покрај булеварот...