Лидерот на ДУИ, Али Ахмети, по гласањето на избирачкото место во Зајас, повика денот да мине мирно, без инциденти, како што поминала и изборната кампања.
– Како што имавме мирна кампања, мирно нека помине и овој ден. Вечер, во согласност со сите демократски стандарди, политичките субјекти да ги признаат изборните резултати. Овие избори се многу битни за имиџот на државата, но и за понатамошните демократски процеси – рече Ахмети.
