fbpx

Одложено судењето на Латас и Лазаров за случајот со спорниот поткаст

За кривичното дело „ширење расистички и ксенофобичен материјал по пат на компјутерски систем“ предвидена е казна затвор од една до пет години

-

Во Основниот кривичен суд Скопје денеска требаше да започне судењето против Драган Павловиќ – Латас и јутјуберот Стефан Лазаров, кои се обвинети за „ширење на расистички и ксенофобичен материјал по пат на компјутерски систем“. Откако Лазаров и Латас седнаа на обвинителна клупа, судењето се одложи поради тоа што адвокатката на Латас истовремено била на друго судење и не можела да присуствува на денешното рочиште за овој случај.

Судијката Дијана Груевска-Илиевска следното рочиште од судењето го закажа на 10 мај.

Во видео-емисија на каналот на Стефан Лазаров на Јутјуб која се емитуваше во живо, Драган Павловиќ – Латас како гостин низ смеа раскажа случај на сексуално насилство врз жена додека бил тинејџер, додека водителот Лазаров на тоа реагираше со смеење и потпрашања за експлицитните содржини.

По гласните реакции во јавноста, Основното јавно обвинителство Скопје оформи предмет, во кој двајцата се обвинети дека преку компјутерски систем ширеле расистичка и ксенофобична репрезентација на идеја која промовира насилство спрема жени, со што предизвикале чувство на згрозеност и вознемиреност во јавноста.

Основниот кривичен суд Скопје му го одзеде пасошот на Латас како првообвинет, а дополнително, нему и на Лазаров им забрани јавен настап со кој се промовира ширење расизам и ксенофобија.

За кривичното дело за кое се обвинети е предвидена казна затвор од една до пет години.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Превртени кошеви и искршени седишта – институциите си префрлаат вина за руинираната спортска сала на УКИМ

Уште во далечната 2006 година на студентите при Универзитетот Св. Кирил и Методиј (УКИМ) им беше ветена најмодерна спортска сала, која дури по 11 години - во 2017, се...