Во исчекувањето на новата експанзија за Elden Ring, излезе Story Trailer за првата експанзија на Elden Ring со поднаслов Shadow of the ErdTree.
Ова видео го „хајпна” светот на игрите, односно е најпопуларното видео од сите вести за гејминг во моментов. Приказната за „Микела и Тарништ” воините продолжува со уште подобра графика и голем број предизвикувачки моменти.
За Elden Ring имаме повеќе написи и уште пред да излезе играта навивавме за неа како еден од најдобрите феномени во видео игрите воопшто.
Експанзијата за Elden Ring -Shadow of the ErdTree излегува на 21 јуни 2024 година. Ако ја нарачате и платите предвреме на Steam или други платформи нема никакви дополнителни награди освен една, добивате нова гестикулација – emote за вашиот лик.
Оваа експанзија веќе се очекува да биде екстремно популарна и луѓето што ја оставиле Elden Ring на пауза, сега ѝ се враќаат да довршат сè што можат во играта пред да излезе експанзијата. Доколку ја немате купено базичната игра, таа чини 60 долари, додека самата нова експанзија како додаток е 40 евра и веќе се продава во преднарачки.
