Откако беше скоро објавена играта Elden Ring таа „руши рекорди“ со најдобри оценки на релевантни гејминг сајтови. Каде и да побарате оценки за играта секаде таа е оценета со 10/10 и 5/5. Се смета како најдобра „Souls“ тип игра досега, која што и покрај тоа што е генерално тешка за совладување, многу работи се полесни во неа во споредба со Darksouls 1,2, и 3, Bloodborne и Sekiro. Како што се објавуваа вести за оваа игра, така известувавме за тоа и можете да погледнете уште два претходни написи, првиот и вториот -што ја објаснуваат играта кои се и денес точни и егзактни.
Инаку, откако се објави играта пред неколку дена има и свежи информации на пример за зголемениот број на места на кои можете да оживеете во играта и покрај огромниот свет, потоа за двоен скок кај коњот што го јавате и за прекачувања со истиот на инаку недостапни високи места. Потоа, циклусот на ден и ноќ со што е врзано и појавувањето на одредени „босови“, интересни дизајни на чудовишта во Dark Fantasy „сетинг”, нелинеарно слободно играње низ сите зони и многу многу други позитивни работи околу играта кои можете да ги откриете при играњето.
Играта се продава на Steam за 60 евра, додека Deluxe Edition е 80 евра, исто така можете да ја купите и на DvD диск со пакување и додатоци во продавниците каде се продаваат игри во Скопје. Таму постои и опцијата за прескапото колекционаерско издание или Collectors Edition.
Играта се игра и на PlayStation 4 и 5 и на персонални компјутери и бара процесор со шест јадра, најмалку 12 RAM и понова графичка карта како и инсталиран DirectX 12.
Воедно би сакале да го споделиме и најновиот Трејлер за Elden Ring, којшто почнува комично и преминува во „епски говор“ интерпретиран од глумицата Ming-Na Wen. Таа ја глуми „May“ (нејзиниот лик е таен агент, експерт за боречки вештини и пилот) во популарната серија „Marvel’s Agents of Shield“. Wen, исто така, е и гласот на Mulan во истоимениот анимиран филм од Disney и ја глуми Chun-Li во филмот Street Fighter. Учествува со глас како не толку маркантен лик и во анимираниот филм Final Fantasy The Spirits Within како ликот на Doctor Aki Ross. Ова е анимиран филм којшто порано беше како долга анимација од игра.
Повелете погледнете го најновиот официјален „live-action“ трејлер за Elden Ring: