Државниот секретар на САД, Џон Кери, на крајот на оваа недела ќе ја посети Москва за со официјалните руски претставници да разговара за Сирија, Украина и за Нагорно-Карабах.
Наведено е дека Кери во руската престолнина ќе пристигне од Париз, каде в четврток ќе присуствува на одбележувањето на францускиот национален празник, Денот на падот на Бастилја.
Руското министерство за надворешни работи потврди дека американскиот државен секретар ќе престојува во Москва на 14 и на 15 јули.
Министерството потсети дека ова е четврта посета на Кери на Русија од мај 2015 година и изрази надеж дека оваа посета ќе ја подобри атмосферата во односите меѓу Русија и САД.
