fbpx

Дигитална трансформација на локално ниво – вклучена заедница за отпорност на корупција, најновиот проект на Метаморфозис, Блинк 42-21 и Рурална коалиција

Проектот има за цел да ја поврзе заедницата за поголем отпор кон корупцијата на локално ниво

-

Фондацијата Метаморфозис, во партнерство со Рурална коалиција и Центар за социјални иновации Блинк 42-21, вчера го потпишаа најновиот проект „Дигитална траснформација на локално ниво – вклучена заедница за отпорност на корупција (ДИГИЛОГ)“, во рамки на добиениот грант од ЦИВИКА Мобилитас – проект на Швајцарската амбасада, кој го спроведуваат Македонскиот центар за меѓународна соработка (МЦМС) во партнерство со НИРАС од Данска и ФЦГ од Шведска.

Проектот има за цел да ја поврзе заедницата за поголем отпор кон корупцијата на локално ниво.

„Сузбивањето на корупцијата е суштинско за зголемување на довербата во институциите, заштитување на демократијата, промовирање правичност и добро управување. Граѓаните ja препознаваат корупцијата како најголем проблем, а коруптивниот притисок и виктимизацијата се значително зголемени. Затоа сметаме дека искористувањето на придобивките од дигиталните технологии може значително да ја унапреди транспарентноста на локално ниво и со самото тоа да ја намалат корупцијата, на што и целиме со овој проект”, изјави за Порталб.мк, Мила Јосифовска Даниловска, менаџер на програми – Општествена отчетност и човекови права онлајн во Фондацијата Метаморфозис.

Специфични цели на проектот се унапредување на отвореноста на општините преку подобрена соработката помеѓу ГО и граѓаните со локалните власти и активно вклучување на граѓаните во процесите на донесување одлуки преку иновативни дигитални алатки.

Проектот ќе трае 34 месеци и ќе опфати општини од осумте плански региони на Северна Македонија.

Во рамките на повикот се доделени уште седум проекти за организации кои во партнерство со други организации ќе ги реализираат планираните активности.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Уапсени десетмина што нелегално продавале медицински канабис

Десет лица се уапсени во четири градови низ земјава во акција за сузбивање на организирана криминална група која била инволвирана во организирање, набавка, продажба и пуштање во промет на...