Граѓаните кои денеска четврти пат се собраа пред Владата на Република Македонија, да протестираат против полициската бруталност и прикривањето на убиството на Мартин Нешковски, а бидејќи не им беше дозволено да се приближат до зградата, се упатија кон МВР.
Здравко Савевски од левичарското здружение „Солидарност“ се обрати пред присутните, велејќи дека на овој начин се крши Уставот, бидејќи полицијата не дозволува да се протестира пред Владата.
Демонстрантите беа пресретнати од полицискиот кордон на улицата кај МВР, но не им дадоа да продoлжат понатаму и да се движат кон објектот. Тие извикуваа „Полициска држава“ и „Оди си Никола“.
Групата протестираше и пред зградата на премиерот Никола Груевски, каде што извикуваа „Излези диктаторче“ и „Миле, ми текна…“.
Кордонот полицајци ги спречува да се движат понатаму кон зградата на МВР.