fbpx

Чеченија забрани „пребавна“ и „пребрза“ музика

Музиката која се изведува јавно ќе мора да биде со темпо од 80 до 116 удари во минута, со што се исклучува голем дел од западната поп и техно музика, но и руската химна, која најчесто се свири побавно од 80 удари во минута

-

Отсега во Чеченија, музиката која ќе се изведува јавно ќе мора да е меѓу 80 и 116 удари во минута, најави министерот за Култура Муса Дадаев, а пренесува Скај њуз. Со новата одлука, се забранува музика и кореографски написи кои се пребавни или пребрзи, со што ќе се забрани голем дел од западната поп музика, како и техно музиката.

Министерот Дадаев најави дека одлуката е донесена во координација со лидерот на Чеченија Рамзан Кадиров и дека целта е да се заштити чеченскиот национален идентитет и културно наследство, односно целта е музичките дела да соодветствуваат со чеченскиот менталитет и „музички ритам“.

„Позајмувањето на музичка култура од други народи е недозволиво“, наводно рекол Дадаев.

На артистите им е дадено до 1 јуни да ги реаранжираат своите дела да се совпаднат со новиот стандард, кои важи и за кореографски настапи. Доколку не го сторат тоа, тие нема да можат да ја свират својата музика јавно.

Се чини изведувачите на руската химна во Чеченија од 1 јуни ќе мораат малку побрзо да ја свират руската химна. Таа најчесто се свири во бавно темпо, а темпото кое го пишува на официјалната партитура е 76 удари во минута, помалку од новозададениот минимум од 80.

Инаку, Чеченија е позната по своите прекршоци на човекови права, особено кога станува збор за ЛГБТИ популацијата, која е гонета и апсена во руската република.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Кацарска: Добивав закани на секои два-три дена, а бев и физички нападната

Претседателката на Уставниот суд во заминување Добрила Кацарска вели дека за време на нејзиниот мандат не поминувало недела без да добие некоја закана. Таа вели дека била и физички...