Тропската бура Нејт, движејќи се на северот на Мексиканскиот Залив, денеска прерасна во ураган, соопшти Американскиот национален центар за урагани.
Ураганот во моментов се наоѓа меѓу источниот мексикански брег и Куба и се движи кон јужното крајбрежје на САД. Се предвидува дека на ударот на Нејт може да се најде градот Њу Орлеанс, реонот на езерото Пончартрејн и подрачјето на Гранд Ајл во државата Луизијана, како и областите долж границата меѓу државите Алабама и Флорида.
Американскиот национален центар за урагани соопшти дека ураганот ќе стигне до брегот на САД доцна вечерва или утре изутрина.
