Министерот за здравство Венко Филипче денеска изјави дека граѓаните ќе можат да испитуваат антитела на товар на Фондот за здравствено осигурување, но ќе бидат потребни одредени критериуми и тоа не може да го прави секој.
„Разговарав со директорот на Институтот и заклучивме дека, сепак, има индикации да се прават испитувања за антитела. Се договоривме, да се врати повторно одлуката да се прават тие испитувања на антитела на товар на Фондот во Институтот за биохемија, но под одредени критериуми, да не биде дека кој било може да го направи тоа испитување, оти финансискиот товар е многу голем,“ изјави Филипче.
Претходно, Институтот за имунобиологија и хумана генетика во Скопје информираше дека од вчера, за оваа услуга граѓаните ќе плаќаат приватно по 736 денари. Одлуката била донесена согласно дописот од Фондот за здравствено осигурување.
