fbpx

Бектеши гарантира дека цената на струјата ќе остане иста и по 1 јануари

Изјавата следува по најавите дека РКЕ отсега нема да ја одредува цената на електричната енергија, туку тоа ќе го прави ЕВН Хоум

-

Министерот за економија Крешник Бектеши очекува на новиот распишан тендер за избор на универзален снабдувач со електрична енергија за домаќинствата и малите потрошувачи да се избере конкурент со помала профитна маржа, со што би можела да се намали цената на струјата на регулираниот пазар.

Актуелен универзален снабдувач е ЕВН Хоум, а наскоро ќе има нов повик за следните пет години.

„Никако нема да имаме повисока цена на струјата, имајќи во предвид дека тоа е предвидено со Законот за енергетика. РКЕ има обврска да направи надзор и да утврди дали пресметките се направени како што треба. Со последните измени на Законот за енергетика, воведовме универзален снабдувач на кого рокот му истекува наредната година, а започната е постапката за нов универзален снабдувач“, рече Бектеши по најавите дека РКЕ отсега нема да ја одредува цената на електричната енергија, туку тоа ќе го прави ЕВН Хоум.

Министерот истакна дека и по 1-ви јануари 2024 година ќе биде истиот тарифен систем. Според него, претседателот на РКЕ, Марко Бислимоски ќе има право да интервенира во цената, ако се утврди дека пресметките не се направени правилно.

Наместо РКЕ, новата цена на струјата ќе ја одредува ЕВН Хоум

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Скопскиoт аквадукт – заборавено наследство затрупано со отпад

Душеци од кревети, теписи, автомобилски гуми, завеси, градежен шут, искршени плочки, пластични пишиња. На ваква слика ќе наидете ако појдете да го посетите Скопскиот аквадукт близу Визбегово, покрај булеварот...