fbpx

МНР: Во Грција во сообраќајна несреќа загина 29-годишна девојка, две се тешко повредени

М.Н. (1995), државјанка на Република Северна Македонија го изгуби животот. А.К (2000) и М.Р (2000) добиле тешки повреди а И.Ј (1999) не е повредена

-

Министерството за надворешни работи објави детали за тешката сообраќајна несреќа во Грција која се случи вчера, а во која загина 29-годишна жена од Македонија. Во несреќата се повредени уште две жени кои биле во возилото, а четвртата поминала без повреди. Несреќата се случи на автопатот Егнатиа во правец кон Солун.

„На Автопатот Егнатиа, во Република Грција, се случила тешка сообраќајна несреќа, во која за жал, М.Н. (1995), државјанка на Република Северна Македонија го изгуби животот. Претставниците на Генералниот конзулат на Северна Македонија во Солун, кои од времето на настанатата трагедија беа во контакт со блиски на жртвата, остануваат на располагање за асистенција во врска со преносот на останките на починатата во земјата. Воедно, информираме дека засегнати се и три наши државјанки, сопатници на починатата, А.К (2000) и М.Р (2000), кои добиле тешки повреди и И.Ј (1999) која не е повредена, при што се соодветно хоспитализирани“, велат од МНР.

Оттаму додаваат дека Генералниот конзулат останува во постојана комуникација со надлежните институции и на располагање на повредените македонски државјанки и нивните семејства при евентуална потреба за помош, до нивното враќање дома.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

СДСМ бира нов лидер на партијата

Социјалдемократскиот сојуз на Македонија (СДСМ) денеска ги спроведува вонредните внатрепартиски избори, на кои членовите бираат нов претседател на партијата. Гласањето се спроведува во 77 избирачки места, а на списокот се...