Рускиот претседател Владимир Путин го постави Анатолиј Антонов за амбасадор на Русија во САД.
„Со претседателски указ Анатолиј Антонов е поставен за вонреден и ополномоштен претставник на Русија во САД и постојан набљудувач при Организацијата на американски држави во Вашингтон“ соопшти Кремљ.
Антонов истовремено е ослободен од должноста заменик министер за надворешни работи.
Путин потпиша и указ за смена да досегашниот амбасадор во Вашингтон, Сергеј Кисљак.
Антонов е роден 1955 година. Работел во Одделот за безбедност и разоружување при руското МНР од 2004 до 2011 година, кога станува заменик министер за одбрана. Должноста заменик министер за надворешно работи ја води од декември 2016 година.
