Новата сезона на Формула 1 почнува в недела, со трката на „Алберт парк“ за Големата награда на Австралија, а денеска, во пресрет на големиот настан, се одржаа првите тренинзи.
Нико Розберг и Луис Хамилтон на тренингот беа оддалечени само 29 стотинки што покажува колку се изедначени болидите на Мерцедес. Возачот на Ред Бул, Даниел Рикиардо, поради проблеми со болидот, не ја заврши тренинг-сесијата. Себастијан Фетел, возачот на Ферари, заостана 1,5 секунда на петта позиција зад лидерот Розберг. Кими Раиконен имаше 1,8 секунда заостанување и се пласираше на осмата позиција. На третата позиција заврши Валтери Ботас од тимот на Вилијамс, а Фелипе Маса на седмата позиција со 1,5 секунда заостанување.
В сабота ќе се возат третиот тренинг и квалификациите, а трката за ГН на Австралија е закажана за недела, во 6 часот наутро по наше време.
