Товарен брод, кој пловел под знамето на „Сент Китс и Невис“, доживеа несреќа недалеку од турското пристаниште Самсун во Црно Море, јави турската телевизија „Си-Ен-Ен Турк“.
Поради бурата што ја зафати областа, бродот „Галф рио“, кој пловеше од Украина, се наведнал на едната страна и во него почнала да навлегува вода. Лошото време и бурното море не им дозволуваат на спасувачките тимови да се доближат до бродот. Побарана е помош од воздух.
На палубата на бродот, долг 90 метри, има десет членови на екипажот. Бродот кој превезува соја, се наоѓа на околу 50 метри од брегот.
Акцијата за спасување е во тек.