Со филмски проекции во кино Милениум и кино Фросина, денеска започнува ЕХО Фестивалот за планински филм кој ќе трае до 9 октомври.
„Пред нас имавме голем предизвик оваа година да организираме класичен филмски фестивал, кој ќе обезбеди следење на филмската програма на големото платно, причините ги знаете сите, и поради тие исти причини го поместуваме малку порано фестивалот на почетокот од Октомври 2020 наместо вообичаено за нас резервираниот термин во месец Ноември“, велат организаторите на ЕХО Фестивалот.
Ова е 11-то издание на фестивалот чија програма годинава ќе ја сочинуваат 29 филмови од автори од 15 земји.
