Lideri i LSDM-së, Zoran Zaev pas publikimit të “bombës” së shtatë lidhur me parregullsitë zgjedhore në vitin 2011 gjatë zgjedhjeve të parakohshme parlamentare dhe në vitin 2013 gjatë zgjedhjeve lokale, dha intervistën edhe për televizionin BBC.
Zaev pohon se, gjatë këtij procesi të shpërndarjes së të gjitha provave dhe argumenteve, do të tregohet se çfarë ka ndodhur në tre ciklet e fundit zgjedhore, përfshirë edhe zgjedhjet e vitit të kaluar.
-Votimi ilegal lidhet me letërnjoftime të rrejshëm, blerje votash, presion ndaj votuesve dhe kjo tregon çdo gjë. Atë që të gjithë ne e dinim dhe e ndjenim, tani më në fund do të konfirmohet, çfarë saktë ka ndodhur gjatë procesit zgjedhor në vendin tonë të vogël- theksoi lideri i LSDM-së në intervistë.
