fbpx

 “Standard”: Pjesëmarrja e Kurz në Shkup është e vonshme dhe pagesë e dobët për krizën e refugjatëve

-

Pjesëmarrja e shefit të diplomacisë austriake, Sebastian Kurz në mitingun qendror të VMRO DPMNE-së në Shkup të dielën, është pagesë e vonuar dhe e keqe e borxhit ndaj autoriteteve të Maqedonisë për mbylljen e kufirit maqedonas- grek dhe për ndalimin e fluksit të emigrantëve drejtë Austrisë dhe Evropës Perëndimore, shkruan gazeta austriake “Standard”.

“Muajt e fundit shumëkush pyetet se çfarë fitoi qeveria e Maqedonisë me mbylljen e kufirit drejt Greqisë në muajin mars, të refugjatët të mos munden lehtë të arrijnë deri në Evropën Qendrore dhe Gjermani me çka përfundoi kriza e refugjatëve. Përgjigja nga Shkupi çdoherë ishte- asgjë. Prej ditës së diele të gjithë jemi më të mençur: çmimi e porositi personalisht ministri Sebastian Kurz i cili erdhi në Shkup për të mbështetur partinë nacionale- konservative të VMRO DPMNE-së në fushatën zgjedhore” thotë komenti i “Standard”.

Ky burim më tej shton, fakti që Kurz mbështet parti të këtillë tregon se mbështetja e demokracisë dhe sundimit të së drejtës janë poshtë në listën e prioriteteve ndërsa kjo ka pasoja edhe në BE e cila “po e humb kredibilitetin e saj”.

“Shumë prej partive në Evropën Juglindore janë shoqata kleptokratike që njerëzve u ofrojnë vende pune në këmbim të votave dhe i gënjejnë me doza nacionalizmi. Por, VMRO DPMNE është lider në renditjen negative, regjimi vitet e fundit është bërë më autoritar, duke kontrolluar policinë dhe gjyqësorin dhe përgjoi qytetarët” shkruan më tej “Standard”.

Qëndrim identik ka edhe javorja belge “New Europe” që poashtu thotë se pjesëmarrja e Kurz në fushatën e VMRO DPMNE është kthim i shërbimit të partisë maqedonase në pushtet për ndihmën e saj rreth mbylljes së rutës ballkanike.

“Deklarata e tij (e Sebastian Kurz v.j ) për anëtarësimin e (Maqedonisë në BE) është në kundërshtim direkt me frymën e raportit të KE-së për progresin e vendit, ku flitet për robërim të instancave demokratike, shkeljen e lirisë së fjalës dhe sundimit të së drejtës” shkruan “New Europe”.

Pjesëmarrjen e shefit të diplomacisë austriake në mitingun e VMRO DPMNE-së e kritikuan shumë politikanë evropian.

KE nuk deshi të komentoj vizitën e këtillë të Kurz. Nga Bruksel për “Meta” deklaruan se qëndrojnë prapa deklaratës së 18 nëntorit që e dha euro- ambasadori Zhbogar dhe ambasadorët  e vendeve- anëtare të BE-së në Maqedoni për zgjedhjet e ardhshme, ku ka thirrje për ndarjen e partisë nga shteti.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.