Dita e sotshme me diell dhe e këndshme, me temperatura të pazakonta për këtë periudhë të vitit, diç më pak se 15 gradë celsius, mashtroi shumë qytetarë të Ohrit për një shëtitje rreth bregut të liqenit. Këtu sigurisht nuk mungonin edhe mysafirët e shumtë të vendeve fqinje nga Shqipëria, Bullgaria dhe Serbia.
Bregu i liqenit për një çast u gjallërua dhe ishte plotë jetë. Vizitorët shijonin dhe kënaqeshin me liqenin e qetë në prezencën e pulëbardhave të mrekullueshme, të cilat gëzonin të gjithë por në veçanti më të vegjlit.
Shirat e kohëve të fundit, disi rregulluan gjendjen hidrologjike. Në fakt niveli i ujit të Liqenit të Ohrit, sidomos gjatë muajve të verës është shumë më pak, por aktualisht është me ngritje prej 693,21 centimetrash, përkatësisht vetëm katër centimetra lartë zeros
