Prej sot në mëngjes reshje të dendura ka në rajonin e Pelagonisë dhe Manastirit. Reshjet e reja janë rrezik I madh për komunën tanimë të vërshuar të Novacit. Kompetentët gjatë natës përforcuan digat për Crna Reka që mos të vërshojë tërë fshatin e Novacit. Për ndihmë në Pelagoni arritën edhe ushtarët e ARM-së dhe zjarrfikësit nga Shkupi, në terren është edhe Shtabi i krizave ndërsa banorët tanimë kanë vendosur diga dhe thasë me rërë para shtëpive të tyre.
-Arritën 15 pompa nga QMK dhe Ministria e transportit dhe lidhjeve. Janë edhe katër pompa të njësitit të zjarrfikësve nga Manastiri dhe dy tjera me kapacitet të madh nga qyteti i Shkupit. Uji po nxirret me pompë nga pikat më kritike. Gjithashtu, në aksion janë përfshirë edhe nëntë zjarrfikës nga Shkupi, të cilët i dërgoi kryetari Koce Trajanovski si dhe rreth 30 ushtarë të cilët mbushin thasë me rërë- thotë kryetari i komunës Novaci, Lazar Kotevski.
Sot në mëngjes u anulua riparimi i rrugës Manastir- Novac, e cila me qëllim është nxjerrë që të bëhet derdhje e ujit të Crna Reka që ai mos të shkoj drejt f. Novaci por kah fushat. Nga komuna thonë se riparimi i rrugës patjetër duhet të bëhet sa më shpejtë që është e mundur sepse kjo është patjetërsueshme për banorët e fshatrave përreth si dhe për të punësuarit në “KRE Bitolla”.
