Nëpër sheshet qendrore të Athinës, Selanikut, Patras, dhe në qytet e tjera të Greqisë janë tubuar me mijëra qytetarë për të përkrahur qeverinë. Ky është protestë historik, sepse në Greqi më shumë se në tri dekadat e kaluara nuk është mbajtur protestë masovike me të cilën përkrahet qeveria dhe politika e saj. Qytetarët masovikisht tubohen nëpër sheshet, pas thirrjeve në mëngjes, nëpërmjet rrjeteve sociale që të dalin në rrugë për të shprehu revoltën e tyre, për shkak të vendimit të Bankës Qendrore Evropiane për refuzimin e obligacioneve shtetërore, hap që është interpretuar si edhe tentim i Evropës për të ushtruar presion ndaj Greqisë.
“ Nuk do të lejojë të na shantazhojnë, nuk do të dorëzohemi”, “Kthimi mbrapa nuk ka, do të fitojmë”, këto janë parullat kryesore të mijëra qytetarëve, të cilët rreth dy orë qetë protestuan para parlamentit, për të përkrahur përpjekjet e Aleksis Ciprasit që ta shpëtojë Greqinë nga situata e vështirë financiare. Qytetarët komentojnë se populli ka vendosur t’iu kthehet krenaria dhe dinjiteti dhe nuk do të lejojnë që këtë ta shkelin BE-ja dhe institucionet financiare evropian.
Plotësisht e përkrahin Ciprasin dhe janë optimist se do t’ia del t’ua kthej jetën normale. Shumë nga parullat shprehin pikërisht mllefin ndaj vendimeve të institucioneve evropiane që vazhdojnë të ushtrojnë presion ndaj Greqisë, kryesisht nga Gjermania. “Do ta ndryshojmë”, “Shojbe dhe Merkel”- kërcënoheni, shantazhoni, vidhni,vrisni që nga viti 1941. Nuk ju kemi frikë” ,janë disa nga porositë e pllakateve me të cilat shprehet mllefi kundër BE-së dhe institucioneve të mëdha të vazhdojë me shpengimet financiare ndaj Greqisë dhe të refuzohet tentativa e qeverisë greke të hyjë në bisedime të reja për borxhin
