Qeveria greke dhe “treshja” kanë arritur marrëveshje për obligimet e reja greke si dhe reformat që do ta sigurojnë pagesën e kredisë së re greke. Dokumenti sot do të dërgohet në Kuvendin dhe qeverinë e Greqisë dhe shpresohet të votohet që nesër.
Marrëveshje është arritur pas 18 orë bisedimeve të pandërprera mes palës greke dhe përfaqësuesve të institucioneve evropiane. Pas zgjatjeve të mëdha, thuhet se palët kanë bërë lëshime të vogla që të arrihet zgjidhje e shpejtë, pa pasur nevojë që bisedimet sërish të anulohen.
Siç njofton agjencia greke APE, duke u thirrur në burime qeveritare, është arritur marrëveshje që mos të zbatohen masa të reja për t’u arritur qëllimet në vitin 2015 dhe 2016. Marrëveshja e re, që për shumë njerëz në Greqi është memorandumi i tretë për kursim i kontraktuar mes qeverisë dhe kreditorëve evropian, tani për tani dihet se përfshin marrëveshje për deficit primar -0,25% nga BPV në vitin 2015, suficit primar 0,5% nga BPV në vitin 2016, 1,75% suficit primar nga BPV në vitin 2017 dhe 3,5% suficit primar në vitin 2018.
Palët edhe më tej po bisedojnë për detajet e fundit ndërsa më shumë të dhëna për marrëveshjen e plotë dhe masat konkrete priten gjatë ditës.
Tani beteja me kreditorët do të vazhdoj në kuvendin grek ku kryeministri Aleksis Cipras pritet të ballafaqohet me rezistencë të madhe kundër masave nga deputetët e tij nga radhët e SIRIZA.
