Ministri britanik për Evropë, sir Alan Dankan, ka përshëndetur vendimin e presidentit Gjorge Ivanov që t’i mundësoj shumicës së re parlamentare në krye me kryetarin e LSDM-së, Zoran Zaev që të formojë Qeveri.
“E përshëndes vendimin e Kryetarit Ivanov që mundëson shumicën parlamentare të udhëhequr nga Zoran Zaev të formojë qeveri. Ky është një hap i rëndësishëm për të ecur para. Mbretëria e Bashkuar u bën thirrje të gjithë liderëve politik të punojnë në mënyrë konstruktive dhe në interes të Maqedonisë dhe të tërë popullatës. Ne qëndrojmë të gatshëm t’i mbështesim këto përpjekje dhe ta mbështesim Maqedoninë në ambiciet e saja për NATO-në dhe BE-në”, thuhet në deklaratën e shkruar të Dankan.
